[Beethova Obas - Twoubadou]
Yon malere, yon twoubadou
k’ap pwomennen, simen lanmou
Ak on bandyo, on pè tanbou
on zanmi’l ap soufle banbou.
Anvan li jou, li sou Pòtay
on mouchwa ble, yon chapo pay
Li lave je’l ak lawouze
se li’k fòse solèy leve.
Yon gous tabak, on gout kafe
ak on chante, li derape
Pèsonn pa konn kote’l rete
li tankou’w la mann ki tonbe
Kou’w tande solèy pral kouche
se nan’w zetwal li al kache
Li file, l’volatilize
l’al konpoz’on’w pi bèl chante.
Yon ti kadè, li Kwabosal
chak flanm solèy ki sot nan vwa’l
Gonfle ponyèt sa k’ap pot chay
fè reflechi sa’k pap travay.
Se vwa’l ou tande k’ap monte
nan kè tout pòv bò Katredal
Se pa’l ou santi k’ap pase
kou’w bann a pye nan kannaval.
Yon gous tabak, on gout kafe
ak on chante, li derape
Pèsonn pa konn kote’l rete
li tankou’w la mann ki tonbe
Kou’w tande solèy pral kouche
se nan’w zetwal li al kache
Li file, l’volatilize
l’al konpoz’on’w pi bèl chante.
Bololo, twa ti bololo, bololololo, twa ti bololo, lolo. (4 fwa)