[Beethova Obas - Kòn Lanbi]
Mwen nan dòmi,
M’wè’m nan’oun peyi
Kote rayisman pouse
Divizyon sèl kanpe
Mwen wè foumi
M’wè malfini
Mayoka move cheni
Manje tout sa’k plante
Dife pran nan kann pou anyen
Ayïsien goumen pou anyen
Peyi y’ap tann pitit li pran lavi’l anmen
Pye lamitye sispann ponmen
Move zèb leve nan tout kwen
N’ap pran chimen lanmò si lanmou pa donnen
M’anvi leve
Rèv sa twò lou pou’m pote
Anndan’m ap dechire
M’anvi’n leve
Pran kòn lanbi’n pou’n soufle
Rasanbleman m’mande
Yon kavalye
Byen abiye
Di’m “tounen kote w’te ye”
Wa di yo sa pou mwen
Dènye mesaj
Ke m’ap voye
« ayiti tè libète
Nan fratènite »
Li di mwen anyen pap mache
Toutotan pa gen tètkole
Se lunite ki fè peyi sa ekziste
Li di mwen fò’n sispann goumen
F’oun leve pou nou wè pi lwen
Peyi y’ap tann pitit li pran lavi’l anmen
Lè w’a leve
Met drapo blan tout kote
Se lapè mwen mande