[Beethova Obas - Planèt la]
Ya chabada, weya.
Planèt la s’on’w boutèy
on sèl boul je solèy
Tout dlo fè wonn la tè
sou fòs lapezantè.
Cha m’de m’ba.
Lò’w fè’m mal “Hiroshima”
m’santi’l jouk Fontamara
Pike vant mwen nan “Brooklyn”
san’m koule jouk Lasalinn.
Lò boul la ap vire
nenpòt kote ou ye
Pa frape pye’w twò fò
pou’w pa twouble rèv mò.
Cha m’be m’ba.
Dlo’k gaspiye a “Paris”
fè’m pi swaf jouk sou Granri
Manje’k jete nan lanmè
fè kòd trip mwen wè lanfè.
Chabada, weya.
Planèt la s’on’w kalbas
frajil pas’on’w vè glas
Koupe bwa mònn “Saint-Roc”
seche sous jouk “Maroc.”
Pete bonm “Nagasaki”
detri vi’m jouk mònn Dennri
Lage viris “Zimbabwe”
li pran ray sou do Nòde.
Chabada, weya.
Solo…
Planèt la kou’w mikwo
chak bri’w fè f’on’w eko
Se nou tout ki antò
si’l grenpe wout lanmò.
Cha m’de m’ba.
Planèt la s’on’w gwo kado
on kout kreyon’k sòt byen wo
Di’m ki lòt kote’n pwale?
lò’n pwazonnen tout kote.
Ya, Chabada, weya.