[Beethova Obas - Jwèt Mab]
Mwen san lè ba’w legen
m’pap tann ou fè koken
Jwèt la pat pou anyen
ou mèt rele’m kreten.
Lekad depi opa
boul pik kè’m toujou mò
Lò’w renmen se traka
santiman bay remò.
Kadav lanmou’m boule
wonn nan ak kè’m mele
Lanmou pa konn parrye
se bay san kalkile.
Malgre melankoli
lò’w bay ou pa pèdi
Menm si boul pik fele
jwèt la rekòmanse.
Si’w vle m’ap ba’w legen
tanpri pa fè koken
Chak moun ap pran’w chimen
pèsonn pap janm genyen
Jwèt mab, bouchon kola
piti ap fè dega
Gwo nèg ap bay zoklo
renmen se chay sou do.
Kadav lanmou’m boule
wonn nan ak kè’m mele
Lanmou pa konn parrye
se bay san kalkile.
Malgre melankoli
lò’w bay ou pa pèdi
Menm si boul pik fele
jwèt la rekòmanse.