[Beethova Obas - Abolisyon]
Di’m ki bagay ou pile sou chimen sa ?
Toudenkou m’wè w’ap brete, gen’oun bagay dwòl la
Pa di’m nan pye ou pike !
Sou do’m ou ye la.
Se pa konsa m’te janbe, yo voye’m
Kòb bay yo siyen papye, yo bliye’m
Se pa mande m’vinn mande
Se san’m m’ap vann la
Timoun ki fèt nan batey
Pa gen nasyonalite
Nommen’l jan’w vle, sou latè li’ye, se moun li ye
Sa k’ap pase la
Lidè kisa w’ap regle nan bagay sa ?
Tout pèp merite respe sou planèt la
Gen bagay pou’w wè ak je
Men ki bagay sa !
Pa di « men » ni « pa konnen »
Nou tout lakòz sa
William, jak e latriye
Fò’n al gade sa
Men di’oun bagay non lamitye
Gen’oun men’k pou frape la.