[Beethova Obas - Rara Bois Verna (Tipapa)]
Pawòl la pale, yo mele
Yo konn kouri men yo pa konn kache
Babylòn pa la pou dire
Nan pa konprann malveyan yo tonbe
Yo kraze, yo kraze, yo kraze
Kraze pa ka kanpe pitit bonDye
Se mwen’k di’w sa
Lavwa:
Woy woy woy o Ti papa
Pa rigole.
O Ti papa, Woy woy woy o Ti papa
Ki Kote’w tande, adjye?
O Ti papa, Woy woy woy o Ti papa
Pou di’w tande?
O Ti papa, Woy woy woy o Ti papa
Leve sou tande’w.
Gade lougawou k’ap vole
Timoun chèche Manman’n pou’n al kache adjye!
Mechan yo move, yo move
Y’a tizonnen’w jouk tan souf ou koupe
Leve kanpe jou a rive
Konnen lanbi pou miray yo kraze
An’n ale la!
Wo, wo, wo, wo, wo…
Anbisyon, grangou fè lòm viv kou zannimo.
Louvri je’w gad madigra k’ap fè’w pè a
Frape pye’w fè li : « A Ha !!! »
Woy, woy! Lavi chè, moun y´ap rele tipapa pa tande
Moun yo rele, yo pa koute,
Talè pwal gen’oun kouri tipapa tande, aprè w’a vinn kriye la.
Woy, woy! Lekòl gratis, kantin, la sante, sekirite!
Se manti, yo pap bati peyi.
Mwen di’w se manti si pa gen lekòl pou tchovi,
Ledukasyon se sèl chimen lavni tande o.
Woy, woy! Pwal gen´oun kouri, tipapa ki kote w´pwal kache?